સરકારી યોજનાઓ

      ઑનલાઇન ઇ- શ્રમ કાર્ડ બનાવવા માટેની વિગતવાર (સ્ટેપ) માહિતી .

  

    = > ઇ-શ્રમ પોર્ટલ રજીસ્ટર કરવા માટે, સત્તાવાર વેબસાઇટ eshram.gov.in પર લોગ ઇન કરો.

    = > હવે હોમ પેજ પર 'ઈ-શ્રમ પર નોંધણી કરો' લિંક પર ક્લિક કરો.

    = > આધાર સાથે જોડાયેલ મોબાઇલ નંબર અને કેપ્ચા કોડ દાખલ કરો.

    = > હવે મોકલો OTP પર ક્લિક કરો.

    = > આ પછી, તમારે આગળ ઘણા વધુ ફોર્મ ભરવા પડશે.

    = > નોંધણી પ્રક્રિયા પૂર્ણ કરવા માટે તમને સંખ્યાબંધ માહિતી પૂછવામાં આવશે. જેમાં રહેણાંકની વિગતો, શૈક્ષણિક લાયકાત, વ્યવસાય અને કૌશલ્યની પ્રકૃતિ, બેંક ખાતું વગેરેનો સમાવેશ થાય છે.

    = > આ ભરો અને સૂચનાઓનું પાલન કરો.

    = > પછી તમને OTP મળશે અને OTP ભર્યા પછી તમારું કાર્ડ સ્ક્રીન પર દેખાશે, જેમાં QR કાર્ડ પણ હશે.

    = > કાર્ડ પ્રિંટ અથવા ડાઉનલોડ કરી લો.

 

નિરાધાર વૃધ્ધોને રાજ્ય સરકારની આર્થિક સહાય યોજના

લાભ કોને મળી શકે ?

નિરાધાર વૃધ્ધો અને નિરાધાર અપંગોને આર્થિક સહાય યોજના રાજ્યમાં તા.૦૧/૦૪/૧૯૭૮ થી અમલમાં છે ૬૦ વર્ષ કે તે કરતા વધુ વયના નિરાધાર વૃધ્ધ વ્યક્તિઓ ૨૧ વર્ષ કે તેથી વધુ વયનો પુત્ર ન હોવો જોઈએ. જો પુખ્ત વયનો પુત્ર માનસિક અસ્થિર હોય કે કેન્સર, ટી.બી, જેવી ગંભીર માંદગીથી પીડાતા હોય તો લાભ મળી શકે. અરજદારની વાર્ષિક આવક શહેરી વિસ્તાર માટે રૂ.૧,૫૦,૦૦૦/- અને ગ્રામ્ય વિસ્તાર માટે રૂ.,૧,૨૦,૦૦૦/- થી વધુ ન હોવી જોઈએ. ઓછામાં ઓછા ૧૦ વર્ષથી ગુજરાત રાજ્યમાં કાયમી વસવાટ કરતા હોવા જોઈએ.

લાભ શુ મળે ?

અરજદારની ઉમર ૬૦ વર્ષ કે તેથી વધુ ઉમર હોય તો માસિક રૂ. ૭૫૦/- લાભાર્થીને સહાયની રકમ લાભાર્થીના એકાઉન્‍ટમાં ડી.બી.ટી. ધ્‍વારા જમા કરાવવામાં આવે છે.

અરજીપત્રક ક્યાંથી મળશે ?

અરજીપત્રક વિના મુલ્યે નીચેની કચેરીમાં પ્રાપ્ત છે. જિલ્લા કલેક્ટર કચેરી. પ્રાન્ત કચેરી. તાલુકા મામલતદાર કચેરી અને જન સેવા કેન્‍દ્ર.

અરજી મજૂર કરવાની સત્તા કોને છે ?

અરજદારની મળ્યેથી તેની ચકાસણી થયા બાદ તાલુકા મામલતદારને અરજી મંજૂર / નામંજૂર કરવાની સત્તા સોંપવામાં આવેલ છે.

સહાય ક્યારે બંધ થાય.

૨૧ વર્ષનો પુત્ર થતાં. વાર્ષિક આવક વધુ થતાં. લાભાર્થી નું આવસાન થતાં

દિવ્યાંગો માટે ઇલેક્ટ્રીક સ્કુટર ખરીદવાની યોજના

પાત્રતાના માપદંડ

૧૮ થી ૫૦ વર્ષના દિવ્યાંગ વ્યક્તિ કે જેની અસ્થિવિષયક દિવ્યાંગતાની ટકાવારી ૪૦ ટકા કે તેથી વધુ હોય બી.પી.એલ યાદીમાં ૦ થી ૨૦ નો સ્કોર ધરાવનાર વિકલાંગ વ્યક્તિ. અસ્થિવિષયક દિવ્યાંગતા ધરાવતા સ્ત્રી કે પુરુષ બંન્નેને આ યોજનાનો લાભ મળવાપાત્ર થશે..

સહાયનું ધોરણ

દિવ્યાંગોને ઇલેક્ટ્રીક સ્કુટર ખરીદવાની યોજના હેઠળ સ્કુટરની બેઝીક કિંમત + ડીસેબલ કીટના ૫૦ ટકા અથવા રૂ. ૨૫૦૦૦/- ની મર્યાદામાં સહાય ચુકવવામાં આવે છે.

રજુ કરવાના ડોક્યુમેન્ટ

જિલ્લા સિવિલ સર્જનશ્રીનું વિકલાંગતાની ટકાવારી દર્શાવતું મેડીકલ પ્રમાણપત્રની ઝોરોક્ષ/દિવ્યાંગતા ઓળખપત્રની નકલ. ઉંમરનો દાખલો/શાળા છોડ્યાનું પ્રમાણપત્ર/. બી.પી.એલ કાર્ડની નકલ. આધાર કાર્ડની નકલ/રેશનકાર્ડની નકલ.

વિકલાંગ વ્યકિતઓને સાધન સહાય આપવાની યોજના

વિકલાંગોને સાધન સહાય આપવાની યોજના ભૂતપૂર્વ શિક્ષણ અને મજૂર વિભાગના ઠરાવ ક્રમાંકઃઇડીબી/૧૦૬૯/ર૧પ૬૦/છ, તા.૧૦-૪-૭૦ થી અમલમાં આવેલ છે.

૪૦ ટકા કરતા વધુ અપંગતા ધરાવતા વ્‍યકિતઓ અને પ થી પ૦ વર્ષની વયના અસ્‍થિવિષયક, દ્રષ્‍ટિમંદ તથા શ્રવણમંદ વ્‍યકિતઓને તેમની વિકલાંગતામાં રાહત થાય તે હેતુથી અથવા પુનઃસ્‍થાપનના હેતુથી (વિકલાંગ) વ્‍યકિતને સ્‍વરોજગારી માટે કપડા રીપેરીંગ/ શીવણકામ, દરજીકામ-મોટરવગર, એમ્‍બ્રોયડરી કામ, ધોબીકામ/ ઈસ્‍ત્રીકામ, ભરતકામ, સાવરણી સુપડા અને ટોપલી બનાવનાર, બ્‍યુટી પાર્લર, પાપડ ઉધોગ, શાકભાજી- ફળ વેચનાર, કાપડ ફેરી હાથલારી ધ્‍વારા, કટલરી-હોઝીયરી હાથલારી ધ્‍વારા વેચનાર, કટલરી-હોઝીયરી સાયકલ ધ્‍વારા વેચનાર, મીઠુ-ગોળ કરીયાણા વેચનાર, લારી ખેંચનાર, ઇંડાની લારી, વિવિધ વસ્‍તુઓની ફેરી માટેની ટુલકીટસ, સાયકલ ધ્‍વારા કાપડ ફેરી, ફીશ વેચનાર, માછલી પકડવી, આઇસકેન્‍ડી ફેરી, સાયકલ રીપેરીંગ (સાયકલ વગર) સાયકી રીપેરીંગ (સાયકલ સાથે), વાયરમેન, પ્‍લમ્‍બીંગ કામ, કડીયા કામ, ઇલેકટ્રોનીકસ વસ્‍તુઓનું રીપેરીંગ કામ, પેઇન્‍ટીંગ/રંગકામ/સાઇન બોર્ડ, મોચી કામ, ઓટો રીપેરીંગ, હેન્‍ડ પંપ રીપેરીંગ, ચાના સાધનો, દુધ- દહીં વેચાણ, ઠંડા પીણા વેચાણ, કેટરર્સ (રસોઇ કામ), પાન-બીડીનું વેચાણ, વાળંદ કામ, ઢોલ- ત્રાસાના સાધનો, લાઇટ ડેકોરેટર, લુહારી કામ, સુથારી કામ, નેતર વાંસકામ, સાયકલ, કોમ્‍પ્‍યુટર રીપેરીંગ તેમજ વિકલાંગોને વિકલાંગતામાં મદદરુપ થાય તે માટે ટા્યસીકલ, ફોલ્‍ડીંગ વ્‍હીલચેર, એલ્‍યુમીલીયમની કાંખ ધોડી, કેલીપર્સ, બહેરી મુંગી વ્‍યકિતને હીયરીંગ એઇડ તેમજ અન્‍ય સાધન સહાય, અંધ વ્‍યકિત માટે સંગીતના સાધનો, ફોલ્‍ડિંગ સ્‍ટીક, બ્રેઇલ કીટ, મંદબુધ્‍ધિની વ્‍યકિત માટે એમ.આર. ચાઈલ્‍ડ કીટ. માટે સરકારશ્રીએ નકકી કરેલ કિંમત રુ.૬,૦૦૦/- ની મર્યાદામાં સાધન સહાય મંજુર કરવામાં આવે છે.આ સહાય વાર્ષિક રુ.રપ,૦૦૦/- ની આવક ધરાવતી વિકલાંગ વ્‍યકિતઓને મળવાપાત્ર છે.

જેના ધ્‍વારા વિકલાંગ વ્‍યકિતઓ રોજીંદા જીવનમાં સ્‍વતંત્ર રીતે હરીફરી શકે વિધાર્થીઓ શાળાએ જઇ શકે તેમજ પુખ્‍ત વ્‍યકિતઓ પોતાના સ્‍વરોજગાર સરળતાથી જીવન નિર્વાહ ચલાવી શકે છે.

સામાજિક ન્‍યાય અને અધિકારીતા વિભાગના ઠરાવ ક્રમાંકઃ અપગ/૧૦ર૦૦૮/ન.બા.૬/છ-૧, તા.૩૧-૩-ર૦૦૮ થી વાર્ષિક આવક મર્યાદામાં વધારો કરી રુ.૨પ,૦૦૦/- કરવામાં આવેલ છે.

સામાજિક ન્‍યાય અને અધિકારીતા વિભાગના ઠરાવ ક્રમાંકઃ અપગ/૧૦ર૦૦૮/ન.બા.૬/છ-૧, તા.૨૭-૮-ર૦૦૮ થી ૧થી ૧૬ ઉપરાંત ચાર સાધનોનો ઉમેરો કરવામાં આવેલ છે.

વિકલાંગ સાધન સહાયની યોજનામાં ઉધોગ અને ખાણ વિભાગ, ગાંધીનગરના ઠરાવ ક્રમાંકઃટીએપી-૧૦/ર૦૧૦/ ૭૭રપ૦૬-ખ, તા.૧-૧-ર૦૧૧ થી સાધનોની યુનિટ કોષ્‍ટમાં વધારો કરવામાં આવેલ છે.

વિકલાંગ સાધન સહાય યોજનામાં સામાજિક ન્‍યાય અને અધિકારીતા વિભાગના ઠરાવ ક્રમાંકઃ સશપ/૧૦ર૦૧૪/૪૩૮/અ-૧, તા.૭-૮-ર૦૧૪ થી વાર્ષિક આવક મર્યાદા ગ્રામ્ય વિસ્તાર માટે રુ.૪૭,૦૦૦/- તથા શહેરી વિસ્તાર માટે રુ.૬૮,૦૦૦/- કરવામાં આવેલ છે.

સામાજિક ન્‍યાય અને અધિકારીતા વિભાગના ઠરાવ ક્રમાંકઃ અપગ/૧૦ર૦૧૬/૩૦૯૧૪૨/છ-૧, તા. ૨૧-૦૫-ર૦૧૬ થી વાર્ષિક આવક મર્યાદા દૂર કરવામાં આવેલ છે.

(૧) વિકલાંગ ઓળખકાર્ડ મેળવવાની પાત્રતા

વિકલાંગ વ્યકિત ૪૦  % થી વધુ વિકલાંગતા ધરાવતા હોવા જોઈએ. શ્રવણમંદ વ્યકિત. દ્રષ્ટિહીન વ્યકિત. ૭૦ કે તેથી ઓછી બુધ્ધિઆંક ધરાવતી મંદબુધ્ધિવાળી વ્યકિત. ગુજરાત રાજયમાં કાયમી વસવાટ. આ યોજનાનો લાભ વિકલાંગ વ્યક્તિઓ ને ઓળખકાર્ડ આપવાનો છે.

(૨) વિકલાંગ ઓળખકાર્ડ ઉપરથી મળવા પાત્ર લાભો

સરકારની યોજનાઓમાં લાભ મેળવવા.

(૩) વિકલાંગ ઓળખકાર્ડ મેળવવા અરજીપત્રક સાથે સામેલ કરવાના પુરાવા

જે તે વિભાગના નિષ્ણાંતને તબીબનું ટકાવારી દર્શાવાતું પ્રમાણપત્ર. અરજીપત્રક સાથે તાજા પડાવેલ સ્ટેમ્પ સાઈઝના ર (બે) ફોટા. રેશનકાર્ડની ઝેરોક્ષ નકલ. ગુજરાત રાજયના કાયમી વસવાટના પુરાવા. બ્લડગ્રુપ નો દાખલો અરજીપત્રક જિલ્લા સમાજસુરક્ષાની કચેરીએથી વિના મૂલ્યે મળી શકશે. આવક નું પ્રમાણપ્રત્ર. અરજીપત્રક જિલ્લા સમાજસુરક્ષા અધિકારીની કચેરીને રજુ કરવાનું રહેશે. જે કચેરી યોગ્ય પુરાવા ચકાસી ઓળખકાર્ડ આપવાની કાર્યવાહી કરશે.

વિકલાંગ વિઘાર્થીઓને વિકલાંગ શિષ્યવૃતિ આપવાની યોજના

આર્થિક રીતે નબળા વાલીઓ ના વિકલાંગ બાળકોને શિક્ષણ આપવાના હેતુ સબબ -શૈક્ષણિક સાધનો ખરીદ કરવા તથા શિક્ષણ માટે પ્રોત્સાહિત કરવા સારું અને શિક્ષણ ખર્ચમાં કેટલેક અંશે હળવાસ ઉભીકરવા આ યોજના અમલમાં મુકવામાં આવેલ છે.

(૧) વિકલાંગ શિષ્યવૃતિ મેળવવાની પાત્રતા :

અભ્યાસ કરતાં વિકલાંગ / વિઘાર્થીની વિકલાંગ ટકાવારી ૪૦  % થી ઓછી હોવી ન જોઈએ. છેલ્લી વાર્ષિક પરિક્ષા ઓછામાં ઓછા ૪૦  % ગુણથી ઉતિર્ણ હોવા જોઈએ જે તે અભ્યાસમાં હાજરીની સંતોષકારક નિયમિતતા જરૂરી છે. ધોરણ-૧ થી ધોરણ-૭ માં અભ્યાસ કરતા વાલીની કૌટુંબિક વાર્ષિક આવક રૂ.૫૦,૦૦૦/- થી વધુ ન હોય ધોરણ-૮ કે તેથી ઉપર અભ્યાસ કરતાં વિકલાંગ વિઘાર્થીઓના વાલીની કૌટુંબિક વાર્ષિક આવક રૂ.૫૦,૦૦૦/- થી વધુ ન હોય. વિકલાંગ ઓળખકાર્ડ ધરાવતા હોવા જોઈએ.

(૨) વિકલાંગ શિષ્યવૃતિ શું મળે?

ધોરણ-૧ થી ધોરણ-૭ સુધીમાં ભણતા વિકલાંગ વિઘાર્થીને વાર્ષિક રૂ.૧,૦૦૦/-. ધોરણ-૮ કે તેથી વધુ અભ્યાસ કરતાં વિકલાંગ વિઘાર્થીને રૂ.૧,૫૦૦/- કે તેથી વધુમાં વધુ રૂ.૫,૦૦૦/- સુધી વિકલાંગ શિષ્યવૃતિ જે તે પ્રાથમિક શાળાને તાલુકા વિકાસ અધિકારી દ્વારા શિષ્યવૃતિ મોકલવામાં આવે છે. ધો.૮ થી ઉપરના અભ્યાસ કરતા વિદ્યાર્થીની શાળા, કોલેજના આચાર્યશ્રી ને શિષ્યવૃત્તિ મોકલવામાં આવે છે.

(૩) વિકલાંગ શિષ્યવૃતિના અરજીપત્રકો મેળવવા અંગે.

દર વર્ષે શૈક્ષણિક કાર્ય શરૂ થતાં ૧૫ મી જૂન થી ૩૧ મી ઓગષ્ટ સુધી મળવા પાત્ર છે. અને સંપુર્ણ રીતે ભરીને પરત ઓગષ્ટના અંત સુધીમાં કરવાના હોય છે. અરજીપત્રકો શાળા, સ્કુલ કે કોલેજ દ્વારા લખાણ આપવાથી - રીન્યુએલ ફોર્મ કે ફ્રેશ ફોર્મ આપવામાં આવે છે. અરજીપત્રકો જિલ્લા સમાજ સુરક્ષા અધિકારીની કચેરીમાંથી વિના મૂલ્યે મળે છે. સમય મર્યાદામાં નિયત ફોર્મ ભરાવીને જીલ્લા સમાજ સુરક્ષા અધિકારીની કચેરીને રજુ કરવાની જવાબદારી સંબંધિત શાળા-કોલેજના આચાર્યશ્રી ની રહે છે.

(૪) વિકલાંગ શિષ્યવૃતિ અરજીપત્રકો સાથે સામેલ કરવાના પુરાવા :

વિકલાંગ વિઘાર્થીનું વિકલાંગ ઓળખકાર્ડ તથા જે તે વિભાગના નિષ્ણાંત તબીબનું ટકાવારી પ્રમાણપત્ર. વાલીના વાર્ષિક આવકનો સક્ષમ અધિકારીનો દાખલો. ગત વર્ષની વાર્ષિક પરિણામની પ્રમાણિત નકલ. અરજીપત્રકો જે તે શૈક્ષણિક સંસ્થા દ્વારા સંપૂર્ણ માહિતી સાથે મોકલવાના હોય છે. વિઘાર્થીની એસ.સી., એસ.ટી., બક્ષીપંચ કે સામાન્ય અલગ અલગ પત્રક સાથે અરજીપત્રકો મોકલાવા.

(૫) વિકલાંગ શિષ્યવૃતિ કયારે મળવા પાત્ર થતી નથી?

વિકલાંગ વિઘાર્થી શાળા, સ્કૂલ કોલેજ કે શૈક્ષણિક સંસ્થામાં અનિયમિત હોય ત્યારે. અભ્યાસ છોડી દેવાથી. વિઘાર્થીનું આકસ્મિક મૃત્યુ થવાથી. પછાત વર્ગ કે આદિજાતિની શિષ્યવૃતિ મેળવતા હોય તો. ૪૦% કરતા ઓછી અપંગતા હોવાથી ૪૦% કરતા ઓછા માર્ક હોવાથી રૂ. ૫૦,૦૦૦/- કરતા વધુ આવક હોવાથી શિષ્યવૃતિ મંજુર કરવાની સત્તા જિલ્લા સમાજસુરક્ષા અધિકારીને સોંપવામાં આવી છે.